ដើមបញ្ញើក្អែក

[ដើមបញ្ញើក្អែក]
«««««»»»»
មានន័យថា មែកផ្ញើសាំ ឬ ផ្ញើប្រាណកើតចេញអំពីមែកឈើទាំងពួង មានស្លឹកស្រួយ សណ្ឋានផ្សេងអំពីស្លឹកឈើនោះ ។
បើនិយាយឲ្យងាយយល់ទៅ ដើមបញ្ញើក្អែក គឺប្រៀបដូចជាកណ្តាញ់របស់មនុស្សយើងចឹងដែរ វាមិនមែន មានកើតនៅគ្រប់ទីកន្លែងនោះឡើយ គឺជាវត្ថុកម្ររមួយ ។

សំរាប់ខាងមន្តអាគមគាថាវិញ បុព្វបុរសខ្មែរយើងតែងតែតំណាលថា(បញ្ញើក្អែក ជាខាងដើម ស្តេចអថ័ន នៅខាងចុង)មានន័យថា បញ្ញើក្អែកជាវត្ថុស័ក្តិសិទ្ធិ ហើយស្តេចអថ័នជា មន្តបង្ក្រាប ។

ដើមបញ្ញើក្អែកមិនមែនមានតែមួយប្រភេទនោះទេ មានរហូតទៅដល់រាប់រយ រាប់ពាន់ប្រភេទឯនុះ។ គ្រប់បញ្ញីក្អែកមានតួរនាទីខុសៗគ្នា ខ្លះលោកប្រើខាងបង្រ្កាបមន្តខ្មៅ ផ្លូវងងឹត ខ្លះប្រើសំរាប់ធ្វើជាឱសថ ហើយខ្លះទៀត ប្រើសំរាប់ខាងសឹកសង្គ្រាម ។
ដូច្នេះហើយ ខ្ញុំសូមលើកយកតែប្រភេទបញ្ញើក្អែកខ្លាំងៗ ដែលខ្មែរយើងពីបុរមបុរាណ លោកប្រើ ហើយទុកជាតំណរមកជាហូរហែរនោះគឺ ដើមបញ្ញើក្អែកទាំង៧មុខ ហើយលោកបានដាក់ឈ្មោះឲ្យថាជា(ពិជ័យសង្គ្រាម)មានដូច៖
១\បញ្ញើក្អែកដើមឫស្សី
២\បញ្ញើក្អែកដើមអង្គ្រង
៣\បញ្ញើក្អែកអំពិលជូ
៤\បញ្ញើក្អែកកន្ទួតព្រៃ
៥\បញ្ញើក្អែកដើមស្តៅ
៦\បញ្ញើក្អែកដើមស្នោរ
៧\បញ្ញើក្អែកដើមកន្ទ្រាំងខេត
ទាំង៧មុខខាងលើនេះ គឺអាចប្រើបាន១០០គុណ តែប្រសិទ្ធិភាពដែលប្រើចំ ហើយខ្លាំងបំផុតនោះ គឺប្រើជាមួយហ្នឹង សឹកសង្គ្រាម តែម្តង ។

+សំរាប់បងប្អូនដែលចូលចិត្តដើរព្រៃវិញ លោកឲ្យប្រើដើមបញ្ញើក្អែក៣មុខ ដាក់រួមគ្នា ដូចជា ៖
.បញ្ញើក្អែកដើមក្រូចសើច
.បញ្ញើក្អែកដើមក្រូចឆ្មា
.បញ្ញើក្អែកដើមសង្កែរ
ទាំង៣រួមគ្នា(ខ្ចប់ជាមួយក្រណាត់ពណ៌ស រឺពណ៌ក្រហម)ប្រើសំរាប់ការពារសត្វ អាសិរពិស ទាំងឡាយ កុំឲ្យវាមកយាយីយើងបាន ។

+ចំណែកឯប្រភេទដើមបញ្ញើក្អែក ខាងរកសុីវិញ រួមមាន៖
•បញ្ញើក្អែកដើម មៀន •បញ្ញើក្អែកដើម បន្លាស្អិត
•បញ្ញើក្អែកដើម លាភ •បញ្ញើក្អែកដើម ខ្លឹមចន្ទ័
•បញ្ញើក្អែកដើម ទទឹម •បញ្ញើក្អែកដើម សារិកា
•បញ្ញើក្អែកដើម ស្វាយ •បញ្ញើក្អែកដើម ឥន្ទនេល
•បញ្ញើក្អែកដើម ក្រូច •បញ្ញើក្អែកដើម កណ្តោល
•បញ្ញើក្អែកដើម ចំប៉ា ចំបុី •បញ្ញើក្អែកដើម ពុទ្រា
•បញ្ញើក្អែកដើម អូយម៉ូយ •បញ្ញើក្អែកដើម ក្រខុបព្រៃ
នៅមានឈ្មោះច្រើនទៀតដែលមិនបានរៀបរាប់អស់ ។ល។

ចំណាំ៖
បណ្តាំពីលោកគ្រូតា ដែលលោកបានរៀនចេះចប់(ទ្រង់ញាណ)បានផ្តាំថា គ្រូមន្តខ្មែរយើងមួយចំនួនដឹងត្រឹមតែថាបញ្ញើក្អែកដែលល្អលេខ១គឺដើមឫស្សី តែធាតុពិតគឺជាបញ្ញើក្អែកដើម អង្គ្រងទេ ហើយមានមួយទៀតដែលវិសេសវិសាល លើសរបស់ទាំងពីនោះទៅទៀត គឺបញ្ញើក្អែកដើម (ក្ងោក) មានអនុភាពខ្លាំងលើសចែកាច់ទៅទៀត ។ហើយ បញ្ញើក្អែក មិនត្រឹមតែជារបស់ស័ក្តិសិទ្ធិប៉ុណ្ណោះទេ ហើយថែមទាំងមានលក្ខណៈពិសេស ខុសអំពីវត្ថុស័ក្តិសិទ្ធិនាៗ ព្រោះថា ដើមបញ្ញើក្អែក តាមក្បួនមន្តអាគម នឹងស្តេចថ្នាំ លោកថាគឺមិនបាច់មានជាប់ត្រណម រឺត្រណោត អ្វីនោះទេ(ចេះប្រើ ចេះដាស់ គឺរួចជាការស្រេច) ។
*គាថាសំរាប់ដាស់*
https://www.facebook.com/sereysey1978/posts/1981402652174822

*ជាចុងបញ្ចប់សូមផ្តាំទៅបងប្អូន ដែលចូលចិត្តថែរក្សាដើមបញ្ញើក្អែក ហ្នឹង អ្នករៀនសីលវិជ្ជាត្រូវគប្បីមាន ក្រមសីលធម៌ សុជីវធម៌ ចេះគោរពចាស់ទុំ មាតាបិតា គ្រូបាអាចារ្យ
មាមីង គោរពរៀមច្បងជាដើម ទើបមិនចេះស្រយុត ។ ម៉្យាងវិញទៀត បើសិនជាបងប្អូនចង់យក ដើមបញ្ញើក្អែក ទៅច្នៃធ្វើជា(គ្រាប់អង្កាំអជ្ជៈ)រឺ ឆ្លាក់ធ្វើជារូបតំណាង សំរាប់សក្ការៈបូជា សូមបងប្អូនឆ្លាក់ឲ្យបានត្រឹមត្រូវតាមក្បួនខ្នាត (ឧទាហរណ៍៖ បញ្ញើក្អែកដើម មៀន អាចឆ្លាក់ចេញជារូបព្រះសីលីវ(ព្រះនាំលាភនាំសំណាង)...។ល។
សូមអរគុណ៕

ដោយ មន្តអាគមខ្មែរ
By Serey Sey Kh

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.